Transcription
1
Ma seur Margerite, ayant ouy que Marc vostre mari est
2
mon beau frère avec ses compaignons onnt estés prins et
3
menés prisonniers par ceux de la religion, n’ay voullu faillir
4
vous mander la presente, vous priant au nom de Dieu de
5
prendre patience et recongnoistre des verges de Dieu,
6
Nostre Père celeste qui chastie en ce monde ceux qu’il
7
ayme le plus. Je vous supplie aussi adviser si j’ay
8
moien de vous aider ou de conseil ou de faict en
9
chose du monde, vous assurant ma seur Margerite
10
que le feray d’aussi bon cœur que si c’estoit pour
11
mon père propre, vous acertenant que vostre
12
affliction et facherie est la mienne. S’il est
13
besoin j’escrirey aux cappitaines et ministres du lieu
14
où ils sont et feray escrire aus eglises de
15
ceste vallée de la bonne renomée, famme, et
16
conversasion de vostre mari en sa religion ; que si
17
telles lettres n’aydent elles ne nuiront
18pas. Il y a davantaige : que les [barré : pas ] roys,
19
princes, poutentas et repu[bliques d’Allemaegne, Angleterre
20
Escosse, Souisse et aultres onnt faict imprimer
21
ung escriteau de la cause pourquoy ils onnt
22
prins les armes pour venir en France, et dans
23
ycelluy prient et commandent à tous cappitaines et chefs
24
de guere ne donneyr dommaige aux marchans et
25
artisans ou aultres catholiques qui sont gens de
26
bien et amateurs de repos publique ; le double
27
duquel escripteau j’ay entre mes mains, ce
28
qui pourra estre de grand efficasse vers les
29
cappitaines qui tiennent vosdits hommes. Vous serés advertie
30
comme ce matin deux heures devant jour, le seigneur
31
Dieu a retiré la fleur et le parangon de mes
32
Enfans, Jacques, qu’il a esté enreumé 4 ou 5 jours puis,
33
estant fort pressé sur sonn ceur et poulmons, a esté
34
hors des affères de ce monde, donnt sommes fort dolens,
35
sauf la volonté de Dieu, à laquelle il se fault tous
36
conformer. De Fenestrelles, en haste, ce 5 mars de nuict 73
37
Je vous salue tout
38
Vostre frère et amy
39
Claude Perron